Dhuna ndaj avokatit të ish-kryeministrit Berisha, Sokol Mëngjesi është dënuar njëzëri nga ana e mazhorancës. Ministrja e Shtetit për Marrëdhëniet me Parlamentin, Elisa Spiropali teksa i uroi urim të shpejtë Mëngjesit, deklaroi se avokati u godit në mënyrë kriminale nga autorë tashmë të identifikuar nga policia.
“Jeni po ju që akuzoni me të parën kundërshtarin tuaj politik për çdo gjë që ndodh mbi faqen e dheut. Siç ishte rasti i djeshëm, ku z. Mëngjesi u godit në mënyrë kriminale nga autorë të identifikuar nga policia të cilën dua ta falenderoj për këtë. Por ju para se të prisnit, të duronit, shpallët fajtorin, Edi Rama. Dhe sot ju, nuk kanë as deccencën të kërkojnë falje. Shërim të shpejtë z.Mëngjesi dhe lutemi për të”, u shpreh Spiropali.
Po ashtu, edhe Ministri i Brendshëm, Taulant Balla i cili duke iu drejtuar opozitës, tha se sulmin ndaj avokatit Mëngjesi e përdorën politikisht kundër mazhorancës. Balla theksoi se kjo është një prej ngjarjeve të zbardhura brenda 10 orësh.
“Ratë në pellgun e baltës që familja Berisha dhe zëdhënëset e tij, nxituan dje të përdornin politikisht një ngjarje të rëndë.
Për Sali Berishën kjo nuk është e re dhe ju e mbani mend reagimin e parë të vetë Sali Berishës sapo në 12 shtator 1998 u vra lideri historik i vërtetë i PD, Azem Hajdari. Kur ende policia po administronte vendin e krimit, njeriu doli në konferencë për shtyp dhe emërtoi Fatos Nanon si urdhërues të Nanos. Historia tregoi gjithçka ndryshe.
Prisja sot, të vinit këtu dhe të thonit: dëgjoni nuk ishte kështu, sepse kjo është një ngjarje e rëndë, nuk është sekret. Para pak minutash kam biseduar me doktorët e spitalit tonë të Traumës, i falënderoj pasi po bëjnë një punë të shkëlqyer ndaj avokatit të nderuar z.Mëngjesi dhe po ashtu, besoj se biem dakord se kjo është një nga ngjarjet e zbardhura brenda 10 orësh dhe të gjithë personat e përfshirë, edhe porositësi është në burg”, u shpreh Balla.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.