Spiropali: Kuvendi, mbështetje maksimale për ministrat e rinj
Kryetarja e Kuvendit, Elisa Spiropali ishte e pranishme në ceremoninë e betimit në Presidencë të anëtarëve të rinj të Këshillit të Ministrave.
Nëpërmjet një postimi në platformën Facebook, Spiropali shpreh urimet të përzemërta dhe suksese ministrit të Mbrojtjes, Pirro Vëngu, Ministrit të Brendshëm, Ervin Hoxha, Ministrit të Financave, Petrit Malaj dhe Ministrit të Shtetit për Marrëdhëniet me Parlamentin, Taulant Balla.
“Do të kenë mbështetjen maksimale të Kuvendit dhe timen si Kryetare, në plotësimin me sukses të detyrave të tyre të rëndësishme” shkruan Spiropali.
“Punë të mira na presin, në shërbim të Shqipërisë europiane dhe mirëqenies së qytetarëve”, nënvizoi ajo.
https://www.facebook.com/plugins/post.php?href=https%3A%2F%2Fwww.facebook.com%2Fespiropali%2Fposts%2Fpfbid0pVgNaoNTmRDJvc5pjxWjC1CvvmfCedv3S5wfGebSgXyKj9FX25TVBwmxt31vgxoFl&show_text=true&width=500
