Spiropali uron besimtarët për Krishtlindje: Dashuria, forca më e madhe njerëzore që nuk shteron
Kryetarja e parlamentit të Shqipërisë Elisa Spiropali ka uruar të gjithë shqiptarët për Krishtlindjen.
Në urim, Spiropali shprehet se Krishti na tregon se as fuqia dhe as paraja nuk janë gjërat më të rëndësishme në jetë ndërsa shton se Krishti na mëson se gjëja më e rëndësishme është dashuria e madhe njerëzore, e cila nuk shteron.
“Krishti, Princi i Paqes dhe i Dashurisë, me shembullin e Tij na tregon se as sundimi, as fuqia, as pushteti, as pasuria, por dashuria është forca më e madhe njerëzore, e cila nuk shteron kurrë, i jep vlerë jetës sonë dhe është e vetmja rrugë drejt së mirës, së drejtës, së vërtetës, besimit dhe shpresës. Gëzuar Krishtlindjen, të gjithë besimtarëve, të gjithë shqiptarëve!”, uron kryeparlamentarja.
