Spiropali uron Kryetarin e Dhomës së Përfaqësuesve të SHBA, Mike Johnson, për rizgjedhjen
Kryetarja e Kuvendit, Elisa Spiropali, ka uruar sot Kryetarin e Dhomës së Përfaqësuesve të SHBA-së, Mike Johnson, për rizgjedhjen. Në urimin e saj, Spiropali shpreh bindjen se bashkëpunimi midis Dhomës së Përfaqësuesve të Shteteve të Bashkuara të Amerikës dhe Kuvendit të Shqipërisë do të vijojë të zgjerohet.
“Urime Kryetarit të Dhomës së Përfaqësuesve të Shteteve të Bashkuara të Amerikës, Mike Johnson, për rizgjedhjen. Jam e bindur se nën lidershipin e Kryetarit Johnson, bashkëpunimi midis Dhomës së Përfaqësuesve të Shteteve të Bashkuara të Amerikës dhe Kuvendit të Shqipërisë do të vijojë të zgjerohet dhe intensifikohet”, shkruan Spiropali.
Përfaqësuesi republikan Mike Johnson i Luizianës u rizgjodh si kryetar i Dhomës të premten me 218 vota, minimumi i votave të nevojshme, por duke marrë mbështetjen e fortë të presidentit të ardhshëm amerikan Donald Trump.
