Spitali Universitar i Traumës me aparaturat më të fundit, Rama: Trajton në kohë rekord politraumat

Kryeministri Edi Rama ka publikuar pamje në rrjetin e tij social Facebook nga spitali Universitar i Traumës ndërsa shkruan se falë kushteve optimale me aparatura të fundit, stafi mjekësor trajton dhe reagon në kohë rekord ndaj politraumave.
“Spitali Universitar i Traumës aty ku luftohet në kufijtë e jetës të pacientit e ku stafi mjekësor i Urgjencës, Kirurgjisë, Ortopedisë, Imazherisë, Konsultave, falë kushteve optimale me aparatura të fjalës së fundit përballon, trajton dhe reagon në kohë rekord ndaj politraumave”, shkruan Rama krahas pamjeve të publikuara.