Statistikat, çfarë duhet të dini për Siti-Liverpul

Mançester Siti dhe Liverpul ndeshet sot në 13:30 në një duel të madh, i cili pritet të jetë një spektakël i madh. Siti është i motivuar pasi  synon ta mposhtë Liverpulin në dy ndeshje radhazi të kampionatit për herë të parë që nga një seria e katër fitoreve radhazi midis vitit 1935 dhe 1937.

Ndërsa fitorja e vetme e Liverpulit në 14 ndeshjet e fundit të Premier Ligës në transfertë ndaj Sitit ka qenë ajo e mbyllur 4-1 në nëntor 2015, në sezonin e parë të Jyrgen Klopit në “Anfield” (5 barazime, 8 humbje).

Statistikat

• Një fitore e 24-t radhazi në shtëpi në të gjitha kompeticionet për Mançester Sitin do të barazonte rekordin e vendosur nga një klub anglez, i cili mbahet nga Sandërlendi mes vitit 1890 dhe 1892.
• Skuadra e fundit mike që shmangu humbjen në “Etihad” ishte fqinji i Liverpulit, Evertoni, në një barazim 1-1 më 31 dhjetor 2022.
• Siti do të kërkojë të barazojë një rekord klubi, duke shënuar të paktën tre herë në gjashtë ndeshje radhazi të kampionati dhe kupave.
• Erling Haland ka shënuar 49 gola në Premier Ligë. Ai ka luajtur vetëm 47 ndeshje në kampionat. Rekordi për arritjen e 50 golave në më pak ndeshje mbahet nga Endi Kol (65 ndeshje).
• Haland i ka shënuar 19 nga 21 skuadrave me të cilat është përballur në Premier Ligë. Përjashtim bëjnë vetëm Liverpuli dhe Brentfordi, megjithëse ai ka shënuar kundër “reds”-ave në Kupën Karabao dhe me Red Bull Salcburgun në Champions.
• “Reds”-at u mundën 2-1 në Totenhem në shtator, por kjo është humbja e tyre e vetme në 23 ndeshje të Premier Ligës (15 fitore, 7 barazime).
• Liverpuli është pa fitore në tre ndeshjet e fundit jashtë dhe nuk ka arritur të mbajë portën e paprekur në shtatë ndeshjet e fundit të kampionatit, duke pësuar gjithsej 12 gola.
• Ata kanë fituar vetëm një pikë nga gjashtë ndeshjet e fundit në transfertë të kampionatit kundër kampionëve në fuqi, që kur mposhtën Çelsin në tetor 2015, për t’i dhënë Jyrgen Klopit fitoren e tij të parë në Premier Ligë.