“Steka e Artë 2023″/Turneu ballkanik bën bashkë 35 bilardistë, mes të cilëve edhe kampioni i botës Eklend Kaçi

Bilardo është një nga sportet më të preferuara, sidomos nga të rinjtë por jo vetëm, pas vitit 1990. Herë pas here, në qytete të ndryshme organizohen turne, që tërheqin interesin e amatorëve të këtij sporti. Në Laç, janë mbledhur 35 biliardistë nga Shqipëria e Ballkani, për të matur forcat në turneun “Steka e Artë 2023”. E veçantë është prania e katër herë kampionit të botës në këtë sport, Eklend Kaçi.Organizatorët e këtij eventi sportiv, premtuan mbështetje maksimale për këtë sport, ndërsa ky aktivitet ballkanik po organizohet nga Federata Shqiptare e Bilardos dhe Snookerit në bashkëpunim me Bashkinë Kurbin. Eventi sportiv “Steka e Artë 2023”, do të përmbyllet të dielën e 19 nëntorit, ku do të shpallen edhe fituesit e këtij kompeticioni ballkanik, i cili po tërheq vemendjen e qytetareve të shumtë kurbinas por edhe më gjere.