“Unë besoj fuqishëm se mënyra më e mirë për ta nderuar kujtimin e Alexei Navalnit është të sigurohemi se presidenti rus Volodimir Putin nuk fiton në fushëbetejë, por që Ukraina të triumfojë”, kështu është shprehur Sekretari i Përgjithshëm i NATO-s, Jens Stoltenberg gjatë një interviste për Radio Evropa e Lirë.
Për Stoltenberg, vdekja e politikanit opozitar rus, Alexei Navalni, si dhe përfitimet e para të Rusisë në fushëbetejë pas shumë muajve, tregon se aleatët duhet t’i kushtojnë vëmendje nevojës urgjente për ta mbështetur Ukrainën. Vdekja në mënyrë të dyshimtë e Navalnit, nuk duhet të lërë presidentitn e Rusisë, Vladimir Putin, pa u kontrolluar, thekson ai.
Stoltenberg përsëriti se të gjithë aleatët e Ukrainës duan që avionët luftarakë të jenë në dorën e saj sa më shpejt që është e mundur, por shtoi se ndikimi i tyre do të jetë më i fortë nëse pilotët janë të trajnuar mirë dhe nëse ekuipazhi dhe personeli mbështetës i tyre janë të përgatitur mirë.
“Pra, mendoj se ne duhet t’i dëgjojmë ekspertët ushtarakë se kur saktësisht do të jemi ne të gatshëm, apo se kur aleatët do të jenë të gatshëm të fillojnë t’ia dërgojnë Ukrainës avionët F-16, sa më parë, aq më mirë”, theksoi ai.
Ukraina vazhdimisht ka kërkuar avionë luftarakë F-16, të prodhuar nga SHBA-ja, për ta luftuar superioritetin rus në ajër. Shtetet e Bashkuara i dhanë leje në gusht Danimarkës dhe Holandës për t’i dërguar Ukrainës avionë luftarakë F-16 sapo pilotët ukrainas ta mbarojnë trajnimin.
Por, njëkohësisht, lufta në Ukrainë është luftë prej agresori, nënvizoi ai, dhe Ukraina ka të drejtë të vetëmbrohet, përfshirë duke i goditur caqet ushtarake ruse jashtë Ukrainës.
Trajneri i Laçit Armando Cungu në emisionin “Supergol” në RTSH pas ndeshjes së humbur 2-1…
Gjatë sezonit veror edhe territori i Bashkisë së Shkodrës, sikurse në në gjithë vendin, u…
Zhytësit specialistë që vëzhgojnë rrënojat e superjahtit 40 milionë dollarësh që u mbyt në Sicili…
Të paktën 51 persona kanë mbetur të vrarë dhe më shumë se 20 janë plagosur…
Të paktën katër persona u vranë dhe dhjetëra të tjerë kanë mbetur të plagosur në…
Presidenti francez, Emmanuel Macron, ka zbuluar qeverinë e tij të re, pothuajse tre muaj pasi…
This website uses cookies.