Të shkosh me pushime është gjithmonë një shkak për festime dhe shumë udhëtarë zgjedhin shijojnë rastin me një pije alkoolike përpara se të bëjnë një sy gjumë në aeroplan.
Por sipas një studimi të ri, pushuesit do të duhet ta rishikojnë këtë ritual.
Shkencëtarët gjermanë kanë zbuluar se kombinimi i alkoolit gjatë fluturimit dhe presionit në kabinën në lartësi mund të rëndojë zemrën e pasagjerëve që flenë.
Ata zbuluan se kur njerëzit bien në gjumë pasi pinë alkool në presionin e ulët të ajrit që zakonisht përjetohet gjatë fluturimeve, nivelet e oksigjenit në gjak bien dhe rrahjet e zemrës rriten, madje edhe tek ata që janë të shëndetshëm dhe të rinj.
“Ne u befasuam kur pamë se efekti ishte kaq i fortë,” tha bashkëautorja e studimit Dr Eva-Maria Elmenho. Studiuesit thanë se pasagjerët me probleme të zemrës kanë një rrezik në rritje të përkeqësimit të simptomave për shkak të uljes së presionit të kabinës, i cili përforcohet gjatë gjumit.
“Konsumimi i alkoolit në bord është një rrezik i nënvlerësuar për shëndetin që mund të shmanget lehtësisht,” thanë akademikët nga Instituti i Mjekësisë Ajrore në Gjermani.
“Mund të jetë e dobishme të shqyrtohet ndryshimi i rregulloreve për të kufizuar aksesin në pije alkoolike në bord”, shtuan ata./ CNN
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.