“Studio Sport” analizon Vllazninë – Gazetari i mirënjohur sportiv, Ahmet Shqarri, komplimenton kuqeblu
Gazetari dhe komentatori i mirënjohur sportiv, Ahmet Shqarri, i cili ka meritën kryesore, sepse 42 vite më parë krijoi në Radio Tirana emisionin “Nga njëra ndeshje në tjetrën”, komplimenton skuadrën kuqeblu, duke e konsideruar Vllazninë pretendenten kryesore për fitimin e titullit kampion.
Opinionet e tij, Shqarri i përcolli në emisionin Studio Sport-RTSH Shkodra mbrëmjen e së mërkurës, përmes një lidhje direkte nga Tirana.
Ndërkohë, të ftuarit në studio, basketbollistja Bernada Reshpja, gazetari sportiv Admir Uruçi dhe komentatori-imitues Faik Bahçja, krahas futbollit, komentuan ecurinë e mirë të basketbollit femra, basketbollin meshkuj, volejbollin si dhe kategorinë e dytë.
