“Studio Sport” – Forma e Vllaznisë pjesë e diskutimeve në panelin e të ftuarve
Mbrëmjen e së mërkurës në ekranin e RTSH Shkodra erdhi emisioni “Studio Sport”, i drejtuar nga gazetari Gaspër Marku.
Të ftuar në panel ishin: Arben Haveri, analist sportiv, Elis Legata, zv.trajner i Kombëtares së futbollit për Femra, dhe Edmond Dibra, komentator futbolli.
Në pjesën e parë të emisionit u diskutua kryesisht për fitoren e Vllaznisë ndaj Elbasanit.Gjithashtu, pjesë e emisionit me skype ishte edhe ish-futbollisti shkodran Benard Gjekaj, i cili po drejton një ekip futbolli në Itali me emrin simbolik, Vllaznia.
Ndërsa një hapësirë në emisionin “Studio Sport” iu kushtua dhe përvjetorit të 10-të të ndarjes nga jeta të gazetarit sportiv Meidan Zhivani.
