Stuhia historike përfshin Kanadanë, pezullohet transporti, mbyllen shkollat dhe dyqanet
Një stuhi e fuqishme ka përfshirë Kanadanë lindore, teksa autoritetet shtetërore po detyrohen të thërrasin ushtrinë për heqjen e borës. Në të njëjtën kohë, reshjet e mëdha të borës shkaktuan probleme të rënda transporti, duke çuar në mbylljen e disa shkollave dhe shërbimeve publike, ndërsa shumë shtëpi kanë mbetur pa energji elektrike në Nova Scotia.
Në disa vende ranë më shumë se 100 centimetra dëborë, ndërsa në Gjirin e Shën Lorenës u shpall gjendja e jashtëzakonshme.
Në Aeroportin Ndërkombëtar Halifax, kryeqyteti i provincës, shumë fluturime u vonuan ose u anuluan. U pezullua funksionimi i transportit publik në qytet.
“Pastrimi i borës do të jetë i vështirë dhe do të marrë kohë”, paralajmëroi kryeministri i Nova Scotia, Tim Houston, gjatë një konference për shtyp dje pasdite.
Ai theksoi se ka kërkuar ndihmë nga qeveria federale e kryeministrit Justin Trudeau. E njëjta kërkesë u bë nga provincat fqinje të Neë Brunsëick dhe Ile-de-Prince Edouard./ cnn.gr
