Stuttgart, Hoeness: Gjithmonë e kam admiruar Juven, por…
Në prag të ndeshjes së Ligës së Kampionëve kundër Juventusit në “Allianz Stadium”, trajneri i Shtutgartit, Sebastian Hoeness, ka deklaruar: “Gjithmonë e kam admiruar Juven, kampionët e mëdhenj kanë luajtur këtu dhe tani me Thiago Motta-n ata janë kthyer në rrugën e duhur. E përgëzoj, ata kanë mbledhur një seri rezultatesh mbresëlënëse të dobishme – shpjegoi ai -. Bardhezinjtë kanë pranuar vetëm një gol. Në të gjithë sezonin fitues do të jetë ai që pranon më pak gola”.
“Më duhet të them se deri më tani Juve nuk ka shfaqur asnjë dobësi. Do të jetë interesante të shihet se kush do të jetë në gjendje të marrë kontrollin e lojës”, vazhdoi Hoeness, duke analizuar taktikisht ndeshjen ndaj bardhezinjve.
Shtutgarti është i freskët nga humbja e rëndë 4-0 në kampionat kundër Bayernit, por trajneri vazhdon dhe shikon përpara, duke u përpjekur të përqendrojë vëmendjen te ndeshja kundër Juventusit. “Ne duhet të harrojmë humbjen në Mynih dhe të ecim përpara, duke u përpjekur të mësojmë nga gabimet tona dhe të përpiqemi të përfitojmë nga mundësitë që do të kemi”.
