Suksesi i KF Deçiq në “Studio Sport”, presidenti Pal Dreshaj sjell përvojën e tij në drejtimin e klubit tuzian
Arritja historike e klubit shqiptar të futbollit Deçiq në Tuz të Malit të Zi duke u shpallur kampion në kampionatin e superligës malazeze, ka marrë vemendjen më të madhe të emisionit “Studio Sport”, transmetuar mbrëmjen e së mërkurës në RTSH Shkodra. Presidenti i këtij klubi, i cili ka meritën kryesore në mirëmenazhimin, që nga një klub i kategorisë amatore e ngriti në majat më të larta duke fituar titullin në kampionatin malazez, flet për përvojën e tij në krye të këtij klubi, i cili do të luajë në Kupat e Europës.
Dreshaj flet edhe për pasionin që ai personalisht dhe komuniteti shqiptar i Tuzit kanë për Vllazninë.
Së bashku me presidentin e klubit Deçiq të Tuzit në Mal të Zi, Pal Dreshaj, në panelin e emisioni ”Studio Sport” ishin edhe specialisti i gjykimit, Mhill Shkëmbi dhe videoanalisti, Ardit Mani, të cilët krahas komenteve për Vllazninë, vlerësuan maksimalisht arritjet e klubit shqiptar, Deçiq.
