Tre persona humbën jetën dhe 15 të tjerë mbetën të plagosur pasi një person sulmoi me thikë brenda një supermarketi Walmart në Shangai mbrëmjen e së hënës.
Policia kineze tha se arrestoi një 37-vjeçar me emrin Lin në vendngjarje, duke shtuar se ai kishte ardhur në Shangai për të “shfryrë zemërimin e tij për shkak të një mosmarrëveshjeje ekonomike personale”. Hetimet e mëtejshme po vazhdojnë.
Incidenti ndodhi në një qendër tregtare në Songjiang, një lagje me popullsi të dendur në jugperëndim të qytetit, e cila është gjithashtu shtëpia e disa universiteteve.
Armët e zjarrit janë të ndaluara në Kinë, por vendi ka parë një sërë sulmesh me thika muajt e fundit.
Muajin e kaluar, një student japonez 10-vjeçar vdiq një ditë pasi u godit me thikë pranë shkollës së tij në Kinën jugore.
Në qershor të këtij viti, katër instruktorë të kolegjit amerikan u goditën me thikë në një park publik në qytetin verilindor të Jilin. Në maj, një burrë goditi me thikë dy persona dhe plagosi 21 të tjerë në një spital në provincën jugore të Yunnan.
Ministrja e Shëndetësisë dhe Mbrojtjes Sociale, Albana Koçiu, në nisje të muajit të ndërgjegjësimit ndaj…
Kryeparlamentarja Elisa Spiropali në fjalën e saj në sesionin plenar të Asamblesë Parlamentare të Nismës…
Dhuna e ushtruar në Kuvend dhe djegia e karrigeve në hyrje të institucionit nga deputetët…
Eksperti i çështjeve të sigurisë, Fatjon Softa ka deklaruar në studion e RTSH24 se politika…
Ish-kryeministri I Holandës Mark Rutte do të marrë këtë të martë (1 tetor) zyrtarisht drejtimin…
Policia italiane ka sekuestruar mbi 200 kilogramë kokainë ndërsa ka vendosur në pranga 3 shqiptarë.…
This website uses cookies.