Presidenti i SHBA-së, Joe Biden ka lavdëruar forcat amerikane të cilat tha se “ndihmuan Izraelin të rrëzonte pothuajse të gjithë” dronët dhe raketat e lëshuara nga Irani. Në një deklaratë, ai tha se SHBA kishte lëvizur avionë dhe anije luftarake në rajon përpara sulmit të paprecedentë.
Izraeli tha se Irani lëshoi qindra dronë dhe raketa në drejtim të tij, hera e parë që ka sulmuar Izraelin drejtpërdrejt nga territori i tij. Ai tha se “shumica dërrmuese” u kapën, por kishte një numër të vogël goditjesh, duke përfshirë një bazë të IDF në Izraelin jugor.
Irani më herët paralajmëroi se Izraeli do të “dënohej” për një sulm në konsullatën e tij në Siri më 1 prill, i cili vrau shtatë oficerë iranianë, duke përfshirë një komandant të lartë. Izraeli nuk e ka konfirmuar apo mohuar nëse ishte përgjegjës.
Presidenti Biden ndërpreu një vizitë të planifikuar në shtetin e tij të lindjes, Delaware të shtunën, duke udhëtuar përsëri në Shtëpinë e Bardhë për t’u informuar nga zyrtarët e sigurisë kombëtare disa orë përpara sulmit.
Zëdhënësja e Këshillit të Sigurisë Kombëtare të Shtëpisë së Bardhë, Adrienne Watson, tha se Biden ishte “në komunikim të vazhdueshëm me zyrtarët izraelitë, si dhe partnerë dhe aleatë të tjerë”./BBC/
Kupa e Shqipërisë rikthehet këtë javë me ndeshjet e kthimit të çerekfinaleve, që do të…
Prokuroria e Posaçme publikon strategjinë e hetimit dhe parandalimit të krimit zgjedhor, për “Zgjedhjet për…
Policia e Lezhës bëri të ditur se ka finalizuar operacionin policor të koduar “Terni", duke…
Autoritetet shqiptare njoftuan hapjen zyrtare të dy grupkapitujve të tjerë të bisedimeve të anëtarësimit të…
Ahengu shkodran udhëtoi drejt Tuzit për të performuar repertorin e tij me motivet qytetare shkodrane,…
Ta tham n’Shkodër” ! Me këtë emërtim vjen një seri eventesh dedikuar të rinjve, me…
This website uses cookies.