Sulmet ndaj objektivave Houthi, Bajden dhe Sunak: Për vetëmbrojtje, do mbrojmë lirinë e lundrimit

Presidenti i Shteteve të Bashkuara të Amerikës, Xho Bajden (Joe Biden) ka reaguar pas sulmeve të SHBA-Britani ndaj objektivave Houthi në Jemen, duke deklaruar se ishin të nevojshme për vetëmbrojtje.

“Këto sulme të synuara janë një mesazh i qartë se Shtetet e Bashkuara dhe partnerët tanë nuk do të tolerojnë sulme ndaj personelit tonë ose nuk do të lejojnë aktorët armiqësorë të rrezikojnë lirinë e lundrimit në një nga rrugët tregtare më kritike në botë”, tha Bajden.

Forcat britanike dhe amerikane sulmuan objektivat Houthi në Jemen pasi grupi i mbështetur nga Irani kundërshtoi një paralajmërim për të ndaluar shënjestrimin e anijeve në Detin e Kuq.

Sulmet ndodhën në kryeqytetin Sana’a dhe në qeveritë e Sa’dah, Hodeidah, Taiz dhe Dhamar.

Bajden tha se aksioni ushtarak u mbështet gjithashtu nga Australia, Bahreini, Kanadaja dhe Holanda.

Kryeministri britanik Rishi Sunak tha gjithashtu se janë ndërmarrë veprime të kufizuara, të nevojshme dhe proporcionale në vetëmbrojtje.

“Mbretëria e Bashkuar gjithmonë do të mbrojë lirinë e lundrimit dhe rrjedhën e lirë të tregtisë. Prandaj ne kemi ndërmarrë veprime të kufizuara, të nevojshme dhe proporcionale në vetëmbrojtje”, tha ai.