Pas Ambasadës së SHBA në Tiranë, edhe Ambasada britanike ka mbështetur punën e SPAK dhe luftën që ky institucion po i bën krimit duke i dhënë fund pandëshkueshmërisë. Ambasadori britanik Alastair King-Smith tha se Mbretëria e Bashkuar do ndihmojë në ngritjen e kapaciteteve që SPAK të luftojë korrupsionin dhe krimin e organizuar.
“Ambasadori britanik, Alastair King-Smith përsëriti mbështetjen e fortë të Mbretërisë së Bashkuar për Prokurorinë e Posaçme të Shqipërisë, SPAK dhe përpjekjet saj jetike për përmirësimin e llogaridhënies dhe për t’i dhënë fund pandëshkueshmërisë në interes të të gjithë qytetarëve shqiptarë. Ambasadori konfirmoi në takimin e përbashkët të donatorëve të SPAK, javën e kaluar, angazhimin e Mbretërisë së Bashkuar për të ofruar asistencë shtesë dhe ngritjen e kapaciteteve për punën e SPAK, në përputhje me Memorandumin e Mirëkuptimit të nënshkruar nga kryeprokurori i posaçëm, Altin Dumani dhe Agjencia Kombëtare kundër Krimit (NCA), si dhe hetimet e përbashkëta me agjencitë e tjera ligjzbatuese të Mbretërisë së Bashkuar”, thuhet në njoftimin e Ambasadës së Mbretërisë së Bashkuar.
Më herët edhe Ambasada Amerikane tha se qëndron në krah të SPAK dhe prokurorëve që kërkojnë t’i japin fund pandëshkueshmërisë.
Ditët e fundit kreu i Partisë së Lirisë Ilir Meta ka vijuar sulmet ndaj SPAK dhe kreut të këtij institucioni Altin Dumani duke e akuzuar si “vrasës të pluralizmit politik”.
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Ministri për Ekonominë, Kulturën dhe Inovacionin, Blendi Gonxhja bëri të ditur se në e-Albania nxënësit…
Shqipëria është ndër destinacionet më të kërkuara për pushime nga turistët britanikë – falë plazheve…
Ministria e Ekonomisë,, Kulturës dhe Inovacionit, shpall konkursin për pozicionin e drejtorit në Cirkun Kombëtar.…
Ministrja e Turizmit dhe Mjedisit, Mirela Kumbaro përkujtoi sot 10 vjetorin e vizitës së Papa…
Kombëtarja shqiptare U-15 nis sot përgatitjet për dy ndeshjet miqësore me Malin e Zi U-15,…
This website uses cookies.