Paraditja e sotme do të jetë vendimtare për vijueshmërinë e situatës në veri.
Zv.drejtori i Policisë në Mitrovicën e Veriut, Veton Elshani në një prononcim për RTK, ka deklaruar se gjatë paradites së sotme (27 shtator) do të vendoset se si do të procedohet pas përfundimit të aksionit në Banjskë, ku u konfiskua arsenal armësh dhe mjetesh të ndryshme.
Kujtojmë se paraditen e së dielës (24 shtator), persona të maskuar dhe të armatosur hapën zjarr dhe hodhën granata dore në hyrje të fshatit Banjskë, ku mbeti i vrarë rreshteri Afrim Bunjaku dhe u plagos një tjetër polic.
Ngjarja solli reagimin jo vetëm të zyrtarëve nga Kosova e Serbia (e akuzuar nga Prishtina zyrtare si autore e sulmit), por edhe të ndërkombëtarëve të cilët dënuan sulmin dhe bën thirrje për gjetjen e një rruge për dialogun mes dy vendeve.
Sakaq, fill pas sulmit, Policia e Kosovës ushtroi një aksion për neutralizimin e grupeve kriminale serbe.
Po ashtu, Policia e Kosovës bëri me dije se eliminoi 3 sulmues dhe arrestoi 6 të tjerë për posedim të armëve, të municionit dhe të radiolidhjeve.
Dy prej të arrestuarve dyshohen dhe si autorë të sulmit terrorist ndaj Policisë së Kosovës.
Gjykata Themelore në Prishtinë caktoi dje (26 shtator) nga një muaj paraburgim për të dy të dyshuarit për sulmin në Banjskë.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.