I dërguari i Bashkimit Evropian, Miroslav Lajçak ka zhvilluar një takim me komandantin e ardhshëm të KFOR-it, gjeneralmajor Ozkan Ulutas.
Duke iu referuar situatës së fundit në Kosovës kur policia u sulmua nga grupet terroriste serbe, Lajçak ka bërë të ditur në rrjetin social X se gjatë takimit me Ulutas është biseduar për situatën aktualë në Kosovë, si dhe dialogun.
Sipas Lajçakut, ai pret bashkëpunim të ngushtë më KFOR-in.
“Kënaqësi të mirëpres në zyrën time komandantin e ardhshëm të KFOR-it, gjeneralmajor Ulutaş. Kemi shkëmbyer mendime për situatën aktuale në Kosovë dhe për dialogun. Mezi presim vazhdimin e bashkëpunimit të shkëlqyer të gjatë me KFOR-in”, shkroi Lajçak.
Gjithashtu, Lajçak është takuar me emisarin amerikan për Ballkanin Perëndimor, Gabriel Escobar, si dhe me kryekëshilltarët diplomatikë nga Gjermania, Franca e Italia, Emmanuel Bonne, Jens Plotner dhe Francesco Talo.
Në këto takime është diskutuar për hapat e mëtejshëm të zbatimit të marrëveshjes mes Kosovës dhe Serbisë.
“Konsultime intensive dhe shumë thelbësore me kryekëshilltarët diplomatikë Bonne, Plötner, Talo dhe të dërguarin e SHBA-së për dialog Gabriel Escobar. Diskutuam hapat e ardhshëm në zbatimin e Marrëveshjes për rrugën drejt normalizimit dhe situatën në veri të Kosovës. Faleminderit për mbështetjen e plotë”, ka shkruar Lajçak në platformën X.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.