Super Vllazni/ Kuqeblutë mundin Dinamon dhe shkojnë vendin e dytë të renditjes

Ka mjaftuar një supergol i shënuar nga ana e Rejan Alivodës në minutën e 28-të të pjesës së parë që Vllaznia të triumfojë ndaj Dinamos në transfertë. Ndeshja e luajtur pasditen e së hënës në stadiumin “Niko Dovana” të Durrësit për llogari të javës së 25-të, u mbyll me fitoren e kuqebluve me rezultatin 0 me 1. Një super Vllazni kjo, e cila prej 11 javësh nuk njeh humbje, 9 fitore dhe 2 barazime, duke bërë që pikërisht pas kësaj fitoreje ndaj Dinamos merr vendin e dytë me 43 pikë, duke i bërë presion Egnatias që kryeson renditjen e Superiores, por tashmë diferenca mes rrogozhinasve dhe shkodranëve është vetem në 6 pikë. Nga Dinamo tek Tirana, ku për javën e 26-të të Superiores, kuqeblutë presin në fundjavë bardheblutë në “Loro Boriçi”, në klasiken e famshme të futbollit shqiptar.