Superkupa e Francës është e PSG-së

PSG mundi Toulouse 2-0 dhe fitoi Superkupën e Francës për herë të dymbëdhjetë. Goli i Kang-In Lee hapi sfidën, ndërsa Mbappé dyfishon epërsinë në minutën e 44-të.

Pak më shumë se dy minuta i mjaftuan skuadrës së drejtuar nga Luis Enrique për të zhbllokuar finalen kundër Toulouse: Koreani Kang-In Lee u kujdes për të kaluar parizienët në avantazh duke shënuar lehtësisht një gol nga brenda zonës së penalltisë me asistimin e përsosur nga Dembélé. Mundësia e barazimit erdhi për Suazo në minutën e 18-të, por tentativa e tij nga një pozicion i shkëlqyer përfundoi jashtë. Mbappé, Barcola dhe ish-anësori i Barcelonës tentojnë të dyfishojnë epërsinë në minutat në vijim, por Restes është i vëmendshëm dhe e mban ndeshjen 1-0 deri në minutën e 44-të, kur Kylian  dekreton avantazhin e dyfishtë me një gjuajtje të saktë.

Paris Saint Germain deshi ta mbyllte ndeshjen dhe u afrua në fillim të pjesës së dytë me gjuajtjen e lirë të Hakimit, i cili megjithatë goditi shtyllën nga distanca. Casseres Jr, Donnum dhe Magri u përpoqën të rikthejnë Toulouse në lojë, por Donnarumma nuk është i befasuar nga përpjekjet e tyre. Skriniar detyrohet të largohet dhe nënshkrimi i ri, Lucas Beraldo bën debutimin e tij.

Dallinga, Nicolaisen dhe Casseres Jr kërcënuan sërish në shtesë, por pasaktësia e tyre dhe portieri italian e mbajtën ndeshjen 2-0 deri në sinjalizimin e fundit. Kjo është Superkupa e Francës e dymbëdhjetë e fituar nga parisienët.