Superliga e Basketbollit Meshkuj/Humbje për Vllazninë por trajneri Bekteshi është i kënaqur me skuadrën

Java e tretë e Kampionatit Kombëtar të Superligës së basketbollit meshkuj ka vënë përballë Vllazninë dhe Besëlidhjen. Ashtu siç konsiderohej si sfida më e rëndësishme e javës, ballafaqimi në fjalë dhuroi spektakël në fushën e lojës. Një Vllazni, e cila e nisi mirë lojën duke kryesuar për shumnë minuta, por më pas Besëslidhja barazon dhe merr kryesimin, ku pas një rivaliteti të fortë në të katër periodat e ndeshjes, në fund e mbyll me fitore 84-95. Pavarësisht se humbi, trajneri i Vllaznisë Damian Bekteshi vlerëson lojën në rritje të skuadrës së tij.Nga ana tjetër, edhe trajneri i Besëlidhjes, shkodrani Afrim Bilali, vlerësoi kuqeblutë, ndërkohë që theksoi se fitorja e skuadrës së tij ishte e merituar.Me fitoren e arritur në Shkodër, e treta radhazi, Besëlidhja kryeson kampionatin pas javës së tretë me pikë të plota.