Superliga e Volejbollit / Rezultati fitorja e thellë e Tiranës me Vllazninë nuk pasqyron realitetin e fushës

Një fitore dhe një humbje është bilanci i ballafaqimit të Vllaznisë dhe Tiranës në javën e gjashtë të Superligës së volejbollit për femra dhe meshkuj. Ndërsa, meshkujT fituan me rezultatin 3 me 1, femrat u mundën me rezultatin 0-3. Për hirë të së vertetes, rezultati i ndeshjes së femrave, 0 me 3 në favor të Tiranës nuk pasqyron realitetin e asaj që u pa në fushën e lojës. Kjo, pasi Vllaznia, jo vetëm që ishte e barabartë ndaj skuadrës potente të Tiranës, por sidomos në dy setet e parë, ajo mund të ishte fituese. Në momentet finale të pikëve vendimtare, Vllaznisë i mungonte përvoja dhe kualiteti për të mbyllur setin me fitore, gjë që e bëri Tirana nga ana tjetër duke fituar në pikët shtesë.

Referuar kronikës së lojës, seti i parë u fitua nga Tirana 25-27, i dyti 24-26 dhe i treti me shifrat 18-25 duke fituar të gjithë ndeshjen me rezultatin 0 me 3.