Surprizë mësuesit 92- vjeçar / Luigj Shabani falenderohet edhe pas 5 dekadave nga ish- nxënësit
Ky ishte 7-marsi më i veçantë për ish-mësuesin 92-vjeçar Luigj Shabani.
Ish-nxënësit e tij, të shkollës “Ismail Qemali” në Shkodër , u takuan bashkë pas 50 vitesh dhe menduan t’i bënin një surprizë dhe ta falenderonin publikisht për gjithçka që ai ka bërë për ta përgjatë viteve.
Nxënësit, përmes emocioneve , i shprehën mirënjohje për punën e palodhur dhe dashurinë e ofruar.
Përgjatë këtyre viteve mësimdhënie, vështirësitë kanë qenë të mëdha për mësues Luigjin. Megjithatë, ndihet krenar kur sheh që nxënësit e tij janë bërë të suksesshëm.
Aktiviteti vijoi në bibliotekën e qytetit, ku u organizua një ceremoni zyrtare nga Bashkia Shkodër, në nderim të mësuesit Luigj Shabani.
