Szczesny është zyrtarisht një lojtar i Barcelonës
Pas pranisë së tij në Montjuic mbrëmë, e vetmja gjë që mungonte ishte njoftimi zyrtar: Wojciech Szczęsny është një lojtar i ri i Barcelonës.
Ish-portieri i Juventusit ka nënshkruar kontratë deri më 30 qershor 2025. Më poshtë komunikata e plotë për shtyp:
“Barcelona dhe Wojciech Szczęsny kanë arritur një marrëveshje që portieri të qëndrojë në klub deri më 30 qershor 2025. Portieri polak vjen në klub në rrethana të pazakonta, por nuk ka dyshime, sepse CV-ja e tij flet vetë. Gjatë karrierës së tij, e cila dukej se kishte përfunduar në verë, ai luajti për klube të nivelit të lartë si Arsenal, Roma dhe Juventus”, shkruhet në njoftimin e klubit spanjoll.
