Shefi i Zyrës së BE-së në Kosovë, ambasadori Tomas Szunyog, ka deklaruar se heqja e masave teë BE-së varet nga pozicioni i shteteve anëtare të saj, ndërsa theksoi se masat lidhen me deklaratën e 3 qershorit, ku Kosovës i kërkohet mbajtja e zgjedhjeve në veri, deeskalimi i situatës dhe angazhimi në dialog.
“Ato janë që vendosin për këto çështje. Ka pasur një deklaratë pas atij konflikti, apo sulmeve ndaj KFOR-it më tre qershor që është dakorduar nga 27 shtetet anëtare dhe në bazë të kësaj është vendosur që të bëhen masat. Ndërsa nuk ka pasur deklarim të ngjashëm për sa u përket sulmeve në Banjskë, pjesërisht ndoshta edhe për shkak se institucionet e Kosovës janë ende duke punuar në raportin që do t’i sjellë të gjitha faktet. Deklarata nga tre qershori është shumë e qartë dhe i kërkon Kosovës zgjedhjet e parakohshme në veri dhe që të zbatojë disa hapa në tri fusha. E para është deskalimi i situatës në veri, e dyta zgjedhjet e parakohshme në veri dhe në fund angazhimi në dialog, duke përfshirë aty edhe Asociacionin”, u shpreh ambasadori për RTK-në.
Ai u shpreh më tej, se integrimi i Kosovës e Serbisë, varet nga marrëveshjet për normalizim të plotë të marrëdhënieve. Duke folur për dialogun, ambasadori u shpreh se ka një lloj formulimi në raport për sa i përket dialogut.
“Ekziston pozicioni i qartë i institucioneve të BE-së. Integrimi i Kosovës dhe Serbisë varet nga marrëveshjet për normalizim të plotë të marrëdhënieve dhe kjo është tejet e qartë. Pra, ky tekst reflekton faktin që kemi një pajtim në kuptimin e rrugës drejt normalizimit që nga shkurti. Pastaj aneksin e Ohrit nga marsi i këtij viti dhe tash flasim për zbatimin. Raporti është shumë i qartë. Fatkeqësisht as Serbia, e as Kosova nuk kanë filluar ta implementojnë atë”, ka deklaruar ambasadori Szunyog.
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
Ylber Ramadani është pa dyshim ‘’maratonomaku’ i skuadrës tonë kombëtare. Mesfushori kuqezi është një prej…
This website uses cookies.