Rrëzimi nga shumica në Kuvend i propozimeve të opozitës, për disa ndryshime në ligjin për ‘Koncesionet e PPP-ve’, është komentuar nga deputetja demokratë, Jorida Tabaku.
Nëpërmjet një videomesazhi në rrjetin e saj social Facebook, Tabaku shkruan se mazhoranca i rrëzoi propozimet e paketës antikorrupsion, vetëm pse ishin propozuar nga Partia Demokratike.
Sipas saj, parlamenti votoi kundër iniciativave të Partisë Demokratike në ligjin e Koncesioneve dhe PPP-ve, ligje të hartuara në standartet më të mira të BE-së, të cilat, sipas saj, “vendosin nën fre korrupsionin në sektorin më të korruptuar në Shqipëri atë të kontratave publike”.
“Këtu kishim parasysh ndalimin e kompanive offshore, ndalimin e kompanive pa kapitale, pa asete, kompanive që nuk kryejnë punët publike. Qartësisht kishim vetëm një problem, i propozonte opozita. Sot, sektori i koncesioneve, PPP-ve siç thotë Progres Raporti është nga sektorët më të pakontrolluar ndaj është e nevojshme ta vendosim atë në binarët e ligjit.”, shkruan Tabaku.
Sipas saj, hapësira e opozitës në parlament, pikërisht për të ushtruar këtë rol, për të propozuar ligje, për të hetuar, për të kontrolluar, për të mbikqyrur qeverinë është totalisht e kufizuar.
Mazhoranca rrëzoi të enjten disa propozime të opozitës në Kuvend, në kushtet kur Rithemelimi vijoi të krijonte kaos duke rrëzuar karrige dhe duke ndezur mjete tymuese.
Kjo e bëri të pamundur zhvillimin normal të seancës parlamentare, gjë që solli që as propozimet e opozitës të mos merreshin në vlerësim, pasi në kushtet që u krijuan as që u diskutuan fare.
Kjo ishte pamja pranë kodrave të Tepes në Shkodër. Grumbujt e mbeturinave kishin mbuluar krejtësisht…
Duke qënë një vend kufitar, zona e Kelmendit vijon të ketë një rëndësi të madhe…
Moti me diell dhe ndërprerja e reshjeve ka rikthyer pushuesit në bregdetin e Velipojës. Pushuesit…
Rrjeti i muzeve të Shkodrës në muajin shtator ka pritur një numër prej rreth 3800…
“Shkodra, histori që gjallon me reliket e saj”, titullohet kështu libri prej dy vëllimesh që…
Mesfushori i kombëtares shqiptare Nedim Bajrami ka debutuar në mënyrën më të mirë në Europa…
This website uses cookies.