Tabaku për progres-raportin: PS të reflektojë ndaj kërkesave të opozitës

Një ditë pasi mori progres-raportin nga ambasadori i BE-së në Tiran, Kryetarja e Këshillit Kombëtar për Integrimin Evropian Jorida Tabaku shpjegoi shqetësimet e ngritura nga opozita dhe sugjeroi që ky raport të lexohej mirë, pasi si BE dhe Opozita janë në një linjë

Tabaku dha shpjegime edhe për mosvotimin e deklaratës së përbashkët për asociim-stabilizimin duke theksuar se mazhoranca duhet të marrë parasysh shqetësime e opozitës

E pyetur për raportet me Parlamentin dhe deklaratën e kryeparlamentares Elisa Spiropali se është gati të ulet në tryezë, Tabaku u shpreh se:

“Spiropali të marrë listën dhe të fillojë me reflektim. Ta nisi nga vendimi i Gjykatës Kushtetuese, a e bën dot mazhoranca, për këtë proteston opozita. Qeveria teknike, a e bën dot mazhoranca? Ka dhe shqetësime të tjera, si ai për zgjedhjet e lira. A protestuam për komisionet hetimore për 6 muaj? Opozita e ka kryer detyrën e saj, por a e kryen qeveria? Parlamenti është bërë si kalim me pengesa. A është Parlament normal ky? Rregullorja e re e Parlamentit është e njëanshme, ne e kemi denoncuar. Ta nisë nga kjo rregullore e njëanshme mazhoranca”.

Në përfundim Tabaku theksoi se rregullorja e re e Parlamentit është e njëanshme dhe opozita do vijojë ta denoncojë.