Deputetja e Partisë Demokratike, Jorida Tabaku deklaroi sot në komisionin e Ekonomisë dhe Financave se “vendit i duhet një reformë gjithëpërfshirëse pensionesh”.
Duke folur për marrvëshjen e bërë muaj më parë mes Italisë dhe Shqipërisë, Tabaku theksoi se “situata me pensionet në vendin tonë është dramatike dhe kjo reflekton në thelb dështimin e një reforme politike mbi pensionet që mazhoranca socialiste ndërmori 9 vite më parë”.
Deputetja demokrate theksoi se “prej kohësh kam ngritur me shqetësim situatën në lidhje me reformën e pensioneve që është implementuar këtu e 8 vite apo 9 vite më parë. Ka disa tregues që janë në përkeqësim dhe dhe nuk e them aspak me kënaqësi sepse të dhënat demografike janë kokëforte dhe numri i tyre që janë pjesë e skemës së pensioneve dhe norma e mbulimit të kontribuesit me përfituesit tregon që kemi të bëjmë me një skemë që ka përkeqësuar situatën ashtu sikundër është tregues me përkeqësim”.
Gjithashtu, Tabaku vuri në dukje se “janë 48% e pensionistëve që marrin një pension të ulët ndërkohë që reforma e pensioneve që u trumbetua nga socialistët një dekadë më parë ka dështuar për të siguruar një jetë dinjitoze për pensionistët në fshat dhe në qytet”.
Duke iu referuar shifrave, Tabaku thas se rezulton që pensionet e qytetarëve të jenë më pak se gjysma e rrogës mesatare në vend.
“Një pjesë e madhe e statistikave tregon që pensioni mesatar është pothuajse në qytet, është thuajse 44% e pagës mesatare, pra një vlerë më e ulët sesa gjithë vendet e tjera të Ballkanit Perëndimor. Pra, të gjithë këto shifra e bëjnë tejet emergjente nevojën për të kaluar në një reformë pensionesh, në mënyrë që të trajtohen me dinjitet të gjithë pensionistët, qofshin dhe këto në Shqipëri”, tha Tabaku.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.