Zv.kryeministri dhe Ministri i Jashtëm italian, Antonio Tajani në një konferencë të përbashkët për shtyp me Kryeministrin Edi Rama ka shprehur edhe njëherë mbështetjen e Italisë në integrimin europian të Shqipërisë.
Tajani u shpreh se shpreson që integrimi europian të ndodhë para 2030-ës ndërsa theksoi se takimi që do të mbahet në muajin dhjetor do jetë një rast për t’i dhënë shtysë procesit të zgjerimit në Bashkimin Europian.
“Një vend që e kemi mbështetur dhe urojmë që kjo të ndodhë para 2023-ës. Insistojmë që të keni një proces integrimi të përshpejtuar. Në takimin në dhjetor që do zhvillohet do jetë rast për ti dhënë impuls procesit të zgjerimit të BE. Ky angazhim i përforcuar italian do vijojë përmes një koordinimi me BE”, tha Tajani.
Në lidhje me takimin e Komitetit të Përbashkët për Investimet, Çështjet Ekonomike dhe Sociale, Shqipëri-Itali, Tajani bëri me dije se u ra dakord për disa linja veprimi në 3 çështjet kryesore që lidhen me infrastrukturën, energjinë dhe sektorin bujqësor.
Tajani shprehu dëshirën për përfshirjen në këtë bashkëpunim edhe të sektorit privat.
“Me Shqipërinë bashkëndajmë lidhje të thella historike. Komiteti i përbashkët ekonomik i kemi dhënë hov, ramë dakord për disa linja veprimi në 3 çështje të mëdha: infrastruktura, energjia dhe sektori bujqësor. Duam të përfshijmë në këtë bashkëpunim edhe sektorin privat”, vijoi më tej ai.
Sa i përket çështjes së migrimit, zv.kryeministri italian theksoi se rruga e Ballkanit duhet mbajtur nën kontroll që të mos rritet prania e migracionit klandestin.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.