Takimet letrare “Dhjetori në bibliotekë” / Autori Artur Baku prezantoi botimin e tij më të ri “Magjistari i reve”
takimet letrare
Biblioteka publike “Marin Barleti” ka vijuar me kalendarin e aktiviteteve të saj “Dhjetori në Bibliotekë” me takimet letrare si dhe prezantimin e botimet e reja. Më i fundit është “Magjistari i reve”, një vëllim me tregime nga Artur Baku.
Libri përqendrohet tek njeriu në raportin e tij me universin dhe hapësirën.
Autori Baku shpreh mendimin e tij sa i përket raportit të lexuesit me librin. “Realiteti nuk është aq gri”, thekson ai.
Artur Baku është përfshirë vazhdimisht në disa antologji si në poezi ashtu edhe në prozë. “Rapsodi urbane” është vëllimi me poezi të cilin autori e botoi në vitin 2017.
