Takimi i orkestrave frymore / Ditën e sotme në mjediset e bashkisë u mbajt konferenca për mediat
ORKESTRA FRYMORE
Rikthehet për herë të parë që pas pandemisë së Covid-19 si pjesë e edicionit të tretë të organizimit të tij. “Takimi Ndërkombëtar i Orkestrave Frymore” është aktiviteti kulturor që do të zhvillohet në datat 6 dhe 7 tetor ku banda muzikore nga Shqipëria, Kosova dhe Mali i Zi pritet të pushtojnë sheshet e qytetit për dy ditë me radhë.
Për të bashkëndarë detajet rreth këtij evenimenti në mjediset e bashkisë u zhvillua konferenca për mediat.
Drejtuesja e Kulturës në Bashkinë Shkodër Amila Gjyrezi siguroi mbështetjen e institucionit për bandën e Shkodrës edhe në vijimësi.
Për drejtorin artistik Bardhyl Hysa e rëndësishme mbetet ruajtja e traditës së asaj që përfaqëson banda muzikore për qytetin.
“Takimi Ndërkombëtar i Orkestrave Frymore” vjen në këtë edicion të tretë si organizim i Qendrës Kulturore “Pjetër Gaci” në bashkëpunim me Bashkinë Shkodër përmes Zyrës së saj të Kulturës.
