Taksimi për pronën/Bashkia Lezhë: Nuk ka të dhëna për sipërfaqen, vetëdeklarim i bizneseve dhe familjarëve

Bashkia Lezhë nuk ka të dhëna të sakta për sipërfaqen e pronës që disponon çdo biznes apo familjar në territorin e kësaj njësie vendore dhe deri më tani faturimi është bërë afrofe.Për ti dhënë zgjidhje kësaj problematike është kërkuar vetëdeklarimi i tyre, dhe afati i vendosur është 31-janari i vitit 2024 për bizneset dhe fundi i muajit qershor për familjarët.Diçka e tillë bëhet e ditur nga nënkryetari i Bashkisë Lezhë Ermal Pacaj, sipas të cilit është ngritur një grup pune që po merret me këtë çështje, ndërsa taksa vendore për pronën është ulur në masën 30%.Vetëdeklarimet e biznesit dhe familjarëve do të verifikohen dhe nëse nuk do të jenë të sakta do të ketë penalitete.Në Bashkinë Lezhë operojnë rreth 3 mijë biznese dhe nga verifikimet e bëra rezulton se 30% e tyre nuk janë taksuar drejt për taksën e pronës, ndërsa probleme janë konstatuar edhe për familjaret.