Task Forca për mbrojtjen e cilësisë së ujërave larës, Kumbaro: Nevojitet koordinim, t’i përgjigjemi fluksit

Krijimi i Task Forcës së dedikuar për kontrollin e menaxhimit të ujërave të ndotura në sektorin e turizmit bregdetar, për ministren e turizmit, Mirela Kumbaro do të ndihmojnë në përmirësimin e trajtimit të ujërave.

Ajo deklaroi se përmes këtij akti normativ do të kryhen kontrolle të rrepta në të gjithë territorin e ujërave larës në bashkëpunim me të gjitha subjektet private që do duhet të bëjnë më shumë për të ruajtur standartet që kanë të bëjnë me trajtimin e ujërave ndotës.

Kumbaro sqaroi se akti normativ vjen pas dy vitesh punë.

“Akt normativ, pas dy vitesh punë. Nëse nuk përgatitemi më herët, nëse nuk marrim masa, do preket cilësia e plazhit, e ujërave larës. Kjo është arsyeja përse turistët zgjedhin Shqipërinë, për ujërat tona, brigjet, gjiret, plazhet.

Kemi një cilësi uji shumë të mirë të diversifikuar.

Tur operatorët flasin tashmë për 30-40 % kontrata të mbyllura më shumë se viti i kaluar dhe jemi vetëm në janar”, u shpreh ministrja. Kjo e fundit deklaroi se sfidë është përgjigja kundrejt fluksit të turistëve në Shqipëri.

“ShIfrat nga aeroporti i tiranës janar 2024, janë disa fish më të larta se në janar 2023. Sfida jonë nuk është a do ketë më shumë turistë e klientë, por a do jemi në gjendje t’i përgjigjemi fluksit.

Kemi vendosur standartin që të punojmë për pikun e sezonit.

Përvoja e dy viteve të fundit, na tregoi se na duhet t’i përgjigjemi fluskit në rritje me masa të posaçme siç është akti normativ.

Nuk mundemi të vazhdojmë ti përgjigjemi këtij fluski me të njëjtën cilësi investimesh apo masash të bëra para 5 viteve”, tha Kumbaro.