Në 7 muajt e parë të vitit 2023 janë arkëtuar të ardhura 372 miliardë lekë . Të dhënat nga Ministria e Financave tregojnë se krahasuar me harkun e muajve janar-korrik të një viti më parë, të ardhurat janë zgjeruar me 13.6 për qind. Gjatë këtyre 7 muajve, kontributin kryesor në rritjen e të ardhurave e kanë dhënë bizneset dhe të punësuarit.
Të ardhurat nga taksat doganore janë arkëtuar në vlerën 5.1 miliardë lekë, ose 7.5% më shumë se 7 mujori 2022. Rritje dyshifrore ka shënuar për këtë 7 mujor edhe Tatimi mbi të ardhurat personale me 7.4 miliardë lekë ose 28.8% më shumë se 7 mujori 2022.
Të ardhurat e mbledhura nga kontributet për sigurimet shoqërore dhe shëndetësore u realizuan në masën 79.7 miliardë lekë, ose 17.2% më shumë se 7 mujori 2022.
Ndërsa shpenzimet e përgjithshme publike, për periudhën shtatë mujore të vitit 2023, arritën në rreth 326.5 miliard lek me një realizim në masën 91 përqind të planit të periudhës, ndërsa krahasuar me të njëjtën periudhë të vitit 2022 ky zë ka rezultuar 4.6 përqind më i lartë.
Në terma vjetorë, shpenzimet e përgjithshme për periudhën 7 mujore të vitit 2023 u realizuan në masën 46.8 përqind të planit vjetor. Pjesa më e madhe e këtyre parave rezulton të ketë shkuar për punë publike, si investime në infrastrukturë, ujësjellës dhe shërbime.
Me gjithë shpenzimet e shkuara, të ardhurat në nivele rekord kanë bërë që ekonomia e vendit ta mbyllë bilancin e 7 muajve të vitit në mënyrë pozitive me 36.2 miliardë lekë të kursyera.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.