Të famshëm që humbën shtëpitë nga zjarret shkatërruese në Los Anxhelos

Zjarret e fuqishme që kanë shpërthyer në Los Anxhelosit kanë shkaktuar shkatërrim të gjerë, duke djegur midis të tjerash shtëpitë e disa të famshmëve, përfshirë Billy Crystal, Mandy Moore dhe Paris Hilton. Zjarrfikësit e Kalifornisë po luftojnë me flakët që po përhapen me shpejtësi, ndihmuar nga erërat e forta që po intensifikojnë përhapjen e zjarrit.

Billy Crystal dhe gruaja e tij, Janice, lëshuan një deklaratë të mërkurën duke thënë se shtëpia e tyre prej 45 vitesh në lagjen Pacific Palisades ishte e djegur.

“Sinqerisht, jam në shok dhe ndihem keq për të gjithë ata që kanë humbur, përfshirë familjen time. Shkolla e fëmijëve të mi është zhdukur, restorantet tona të preferuara. Kaq shumë miq dhe të dashur kanë humbur gjithçka gjithashtu”, shkroi aktori në Instagram në një postim që përfshinte video të rrugëve të shkatërruara në periferi të kodrës.

“Kjo shtëpi ishte vendi ku ne ndërtuam kaq shumë kujtime të çmuara. Është vendi ku Phoenix hodhi hapat e tij të parë dhe ku ne ëndërruam të ndërtonim një jetë kujtimesh me Londrën. Shkatërrimi është i paimagjinueshëm. Të dish se kaq shumë po zgjohen sot pa vendin që ata e quajtën shtëpi është vërtet zemërthyese”, shkruan Paris Hilton.

Jamie Lee Curtis tha të mërkurën në Instagram se familja e saj është e sigurt, por ajo sugjeroi se lagjja e saj dhe ndoshta shtëpia e saj është në zjarr. Ajo tha se shumë nga miqtë e saj humbën shtëpitë e tyre.