Të paktën 51 persona kanë mbetur të vrarë dhe më shumë se 20 janë plagosur si pasojë e një shpërthimi që besohet të jetë shkaktuar nga një rrjedhje gazi në një minierë qymyri një Iran.
Shpërthimi raportohet se është shkaktuar nga një rrjedhje gazi metani në dy blloqe të minierës në Tabas, 540 km (335 milje) në juglindje të kryeqytetit Teheran.
Guvernatori i Khorasanit të Jugut, Javad Ghenaatzadeh, tha se në momentin e shpërthimit në blloqe ishin 69 punëtorë.
Presidenti iranian Masoud Pezeshkian shprehu ngushëllime për familjet e viktimave. “Kam folur me ministra dhe do të bëjmë çmos për ta ndjekur”, tha Pezeshkian në komentet televizive.
Miniera e Tabas mbulon një sipërfaqe prej më shumë se 30,000 kilometra katrorë (gati 11,600 milje katrore) dhe mban rezerva masive të koksit dhe qymyrit termik. Ajo konsiderohet si zona më e pasur dhe më e madhe e qymyrit në Iran.
Vitin e kaluar, një shpërthim në një minierë qymyri në qytetin verior të Damghan vrau gjashtë persona, gjithashtu me gjasë si rezultat i rrjedhjes së metanit sipas mediave lokale.
Në maj 2021, dy minatorë vdiqën në një shembje në të njëjtin vend.
Një shpërthim në vitin 2017 vrau 43 minatorë në qytetin Azad Shahr në Iranin verior.
/rtsh.al/
Kreu i Partisë Demokratike, Sali Berisha, ka premtuar se gjatë mandatit të tij të parë…
Emisioni radhës “Histori Sportive” në Rtsh Shkodra iu kushtua dy familjeve të njohura sportive të…
Emisioni radhës “Histori Sportive” në Rtsh Shkodra iu kushtua dy familjeve të njohura sportive të…
Nisur nga numri i lartë i vendeve turistike që përfshin Malësia e Madhe po tërheq…
Kjo zonë po vuan nga një problem i madh, siç është ndotja nga mbeturinat. Ky…
Shqiptarët kanë edhe një tjetër shkollë në Evropë, ku mund të mësojnë gjuhën, kulturën dhe…
This website uses cookies.