Të rinjtë pastrojnë Velipojën, aksioni i kësaj të premte  do të pasohet edhe në të tjera zona të bashkisë Shkodër

Të rinjtë e Shkodrës kanë ndërmarrë një aksion për pastrimin e plazhit të Velipojës. Të rinjtë e Këshillit Vendor Rinor, të rinj të Qendrës Rinore Atelie dhe vullnetare kanë ndërmarrë këtë inisiativë për të përcjellë mesazhin për të gjithë, për të mbajtur pastër ambjentin e në mënyrë të vecantë plazhin e Velipojës.

Aksioni i iniciuar gjatë ditës së sotme do të pasohet edhe në të tjera zona të bashkisë Shkodër, ndërkohë që vetëm gjatë ditës së sotme janë grumbulluar 70 thasë me mbetje,  ndërkohë që pjesë e kësaj inisiative kanë qënë 40 të rinj të qytetit të Shkodrës. Aktivitete të tilla, po marrin mbështetjen e Bashkisë Shkodër me qëllim sensibilizimin e të gjithë opinionit publik për të mbrotjur dhe mbajtur pastër ambjentin që na rrethon.