Të rinjtë të interesuar për punë – Zmijani: Numri i regjistrimeve vitin e kaluar ka qënë i lartë

Të rinjtë, me apo pa ekperiencë, po paraqiten për t’u regjistruar në zyrat e punës për të gjetur një vend pune  në sektorë të ndryshëm.

Vitin e kaluar, sipas drejtores së Zyrës së  Punësimit në Shkodër,  Rozafa Zmijani, ka pasur rritje të numrit të regjistrimit të punëkërkuesve , krahasuar me vitet e mëparshme.

Zyra Rajonale e Punësimit në Shkodër ,përgjatë vitit 2024, ka pasur si synim nxitjen e punësimit e cila është tanimë edhe në fokusin e qeverisë.

Përveç programeve të tjerta që ofron Zyra e Punësimit në Shkodër, të nxënit në vendin e punës  është programi më i ri, që do të nisë të zbatohet në fillim të vitit 2025.

Ky program i Agjencisë Kombëtare të Punësimit dhe Aftësive synon nxitjen e punësimit tek të rinjtë, duke ofruar kurse  3-6 mujore të formimit profesional dhe më pas punësimin edhe për 6 muaj të tjerë.