FBI e ka cilësuar të shtënën në mitingun e ish-presidentit Donald Trump në mbrëmjen e së shtunës si një tentativë për vrasje.
“Këtë mbrëmje pati një atentat kundër ish-presidentit Donald Trump”, tha Kevin Rojek, agjenti special i FBI-së.
Po ashtu FBI deklaroi se është “afër” identifikimit të sulmuesit, por shtuan se i dyshuari nuk kishte asnjë dokument identifikimi, gjë që po ngadalëson procesin. Rojek tha se ata po bëjnë konfirmimin biometrik, si dhe po analizojnë ADN-në e autorit. FBI deklaroi se nuk e ka zbuluar ende motivin e sulmit, ndërsa autoritetet thanë se besojnë se nuk ka asnjë kërcënim tjetër.
Autoritetet po hetojnë gjithashtu se si ndodhën të shtënat, duke përfshirë raportet e dëshmitarëve okularë se ata panë personin e armatosur duke u ngjitur në një çati. Një dëshmitar i tha BBC se ai e pa të dyshuarin në çati me një pushkë dhe u përpoq të njoftonte policinë përpara incidentit.
Ish-presidenti Donald Trump u plagos gjatë mitingut të tij në Butler, Pensilvani. Autori u qëllua për vdekje nga autoritetet, ndërsa në ngjarjen e rëndë humbi jetën edhe një person i pranishëm në tubim, teksa dy të tjerë mbetën të plagosur rëndë.
Trump tha në rrjetet sociale se ai u qëllua nga një plumb në “pjesën e sipërme të veshit të djathtë”. Shërbimi Sekret tha se ish-presidenti është i sigurt pasi u nxor nga skena me gjak në fytyrë. Trump është kthyer në shtëpinë e tij në New Jersey, ku ndodhet në gjendje të mirë shëndetësore.
Presidenti Joe Biden reagoi mbi ngjarjen, duke dënuar sulmin./ BBC
Nënshkruhet Marrëveshja e Bashkëpunimit mes Ministrisë së Arsimit dhe Fondacionit Shqiptaro-Amerikan për Zhvillim (AADF )…
Çmimi Ndërkombëtar për Lirinë e Shtypit për vitin 2024 do t’u ndahet 4 gazetareve, mes…
Inspektorati Kombëtar i Mbrojtjes së Territorit, vijon me prishjen e objekteve për t’i hapur rrugë…
Nëndetësja Titan që u shpërbë gjatë zhytjes drejt rrënojave të Titanikut, duke vrarë të pesë…
Ish-zv.ministri i Shëndetësisë, Klodian Rrjepaj po dëshmon në Komisionin Hetimor për Sterilizimin në Kuvend. Prokuroria…
Ministri i Ekonomisë, Kulturës dhe Inovacionit Blendi Gonxhja, priti në një takim pune ambasadoren e…
This website uses cookies.