Temperaturat ekstreme, inaugurimi i Trump zhvendoset në ambiente të mbyllura
Për shkak të motit të acartë dhe temperaturave shumë të ulëta në Washington, D.C., Presidenti i zgjedhur Donald Trump ka vendosur të zhvendosë ceremoninë e tij të inaugurimit në ambiente të mbyllura. Ai ka urdhëruar që fjalimi i inaugurimit, përveç lutjeve dhe fjalimeve të tjera, të mbahet në Kapitol Rotunda, një vend i përdorur edhe nga ish-Presidenti Ronald Reagan në vitin 1985 për shkak të kushteve të ngjashme të motit.
Në një postim në platformën Truth Social, Trump tha se “ne do të hapim Capital One Arena për shikimin LIVE të kësaj ngjarjeje historike dhe për të pritur Paradën Presidenciale. Unë do t’i bashkohem turmës në Capital One pas betimit tim.”
Ai shtoi se vendimi është marrë për të siguruar shëndetin dhe sigurinë e të gjithë të ftuarve dhe pjesëmarrësve.
Komiteti i Përbashkët i Kongresit për Ceremonitë e Inaugurimit ka konfirmuar se do të respektojë kërkesën e Presidentit të zgjedhur dhe do të realizojë ceremoninë e 60-të të Inaugurimit në Kapitol Rotunda.
