“Tempulli” prangos 3 persona /Arrestohen 3 shtetas në Lezhë, sekuestrohen 4.3 kg kanabis
tempulli lezhe
Tre persona janë arrestuar sot nga policia e Lezhës në kuadër të operacionit ‘Tempulli’. Të arrestuarit janë Kastriot Çupi, Paulin Çupi dhe Skënder Malaj.
Në Mirditë, u arrestuan në flagrancë shtetasit Kastriot Çupi, 46 vjeç dhe Paulin Çupi, 43 vjeç, kushërinj, të dy banues në fshatin Simon, pasi gjatë kontrollit në një ambient në afërsi të banesave të tyre, janë gjetur dhe sekuestruar në cilësinë e provës materiale, rreth 4.3 kg lëndë narkotike cannabis sativa;
Në Lezhë, u arrestua në flagrancë shtetasi Skender Malaj, 40 vjeç, banues në Lezhë, pasi gjatë kontrolleve fizike dhe në automjetin me të cilin qarkullonte, iu gjet dhe iu sekuestrua në cilësinë e provës materiale, një sasi lënde narkotike kokainë.
Gjatë operacionit u sekuestruan rreth 4.3 kg lëndë narkotike cannabis sativa dhe një sasi lëndë narkotike kokainë.
