Tensione në Kuvend, Rithemelimi ndez flakadanët, mazhoranca voton projektbuxhetin e 2024-ës

Ka nisur mes tensionesh seanca plenare. Rithemelimi, ashtu sikurse kishte paralajmëruar nuk lejon zhvillimin normal të seancës, duke ndezur flakadanë dhe duke vendosur karriget para foltores së Parlamentit.

Mazhoranca ka votuar në parim me 73 vota pro, pr.ligjet e rendit të ditës, konkretisht: Projektligjin “Për disa ndryshime ne ligjin nr. 61 /2012, “Për akcizat ne Republikën e Shqipërisë””, te ndryshuar”; Projektligji “Për disa shtesa dhe ndryshime ne ligjin nr. 9920, date 19.5.2008, “Për procedurat tatimore ne Republikën e Shqipërisë”, te ndryshuar”; Projekligji Për disa ndryshime ne ligjin nr. 9975, date 28.7.2008, “Për taksat kombëtare”, te ndryshuar”;  Projektligjin “Për disa shtesa ne ligjin nr. 92/2014, “Për tatimin mbi vlerën e shtuar ne Republikën e Shqipërisë”, te ndryshuar”; dhe Projektligjin “Për buxhetin e vitit 2024”.

Nga ana e saj Rithemelimi ka kundërshtuar votimin e pr.ligjeve vetëm nga ana e mazhorancës, duke e konsideruar këtë si një akt të turpshëm.

Sakaq, Kryeparlamentarja Lindita Nikolla ka përjashtuar nga Parlamenti, deputetin demokrat Flamur Noka, pasi ky i fundit ndezi tymuese në foltoren e Kuvendit.