Tentohet të grabitet 65-vjeçari, arrestohet 16- vjeçari, 2 bashkëautorë të tjerë të paidentifikuar

Një 16 vjeç nga Shkodra është arrestuar nga blutë e këtij qyteti, pasi tentoi të grabisë me dhunë bashkë me dy shtetas të tjerë, një qytetar nga Shkodra. Drejtoria Vendore e Policisë njofton se Komisariati i Policisë Shkodër arrestoi 16 vjeçarin pasi dyshohet se në bashkëpunim me 2 shtetas të tjerë, ende të paidentifikuar, në rrugën “13 Dhjetori” , në pedonalen “Kolë Idromeno”, kanë tentuar t’i marrin me dhunë portofolin një shetasi 65 vjeç, banues po në Shkodër. 65-vjeçari ndodhet në spital, në kujdesin e mjekëve për shkak të dhunës që i është bërë  nga të rinjtë gjatë tentativës së grabitjes.  Vijon puna për identifikimin e 2 autorëve të tjerë dhe për sqarimin e rrethanave të rastit, njofton policia. Ndërkohë, Sektori i Policisë Rrugore referoi materialet në Prokurori, ku nisi procedimi në gjendje të lirë për një shtetas 77 vjeç, banues në Shkodër, pasi në vendin e quajtur “Melgushë”, automjeti që drejtonte është përplasur me një tjetër automjet që drejtohej nga një shtetas i moshës 59 vjeç, banues në Shkodër. Gjithashtu nisi procedimi penal ndaj një 46-vjeçari, pasi u kap duke drejtuar automjetin, në gjendje të dehur.  Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, njofton policia.