Tërmetet që vazhdojnë prej pesë ditësh në pjesën qendrore të Japonisë e kanë rritur në 92 bilancin e viktimave, sipas të dhënave nga autoritetet rajonale.
Rreth 242 banorë mbeten të zhdukur nga të dhënat më të fundit dhe më shumë se 250 të tjerë kanë pësuar lëndime të gradave të ndryshme.
Operacionet e kërkim-shpëtimit vijojnë në zonat e prekura dhe të enjten nën gërmadha u gjet një grua e moshuar që kishte kaluar më shumë se 72 orë poshtë godinës së rrënuar.
Dëmet më të mëdha janë raportuar në prefekturën e Ishikauas, ku u shembën më shumë se 250 shtëpi dhe 200 të tjera u shkatërruan nga zjarret.
Që nga 1 janari, Japonia ka përjetuar më shumë se 700 tërmete të forcave të ndryshme ose më shumë sesa në tri vitet e fundit. Magnituda e tërmetit më të fuqishëm arriti 7,6, më e larta e regjistruar në këtë pjesë të shtetit aziatik që nga viti 1885.
Sizmologët paralajmërojnë se tërmetet do të vazhdojnë në këtë rajon për rreth një javë dhe ekziston rreziku i lëkundjeve të forta me magnitudë mbi 7.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.