Mëlçia është një organ shumë i rëndësishëm, që ndihmon në pastrimin e trupit, përthithjen e ushqyesve e shumë më tepër.
Verdhëza ndodh kur pigmentet e lëngjeve biliare qarkullojnë në gjak.
Ky problem vërehet më shumë tek të miturit por nuk përjashtohen as të rriturit.
Sa herë që shënohet një problem me mëlçinë apo edhe veshkat, graviteti shkakton akumulimin e lëngjeve në zonën e gjymtyrëve të poshtme siç janë këmbët.
Oreksi tek njeriu pëson luhatje si pasojë e shumë problemeve shëndetësore, përfshirë këtu ato që prekin mëlçinë.
Nëse mëlçia është në telashe, atëherë oreksi ikën.
Problemet me mëlçinë manifestohen edhe me rënien e peshës pavarësisht ushqyerjes normale.
Diarea vërehet shpesh tek njerëzit me probleme me mëlçinë.
Nëse bëhet fjalë për diare të vazhdueshme, nuk duhet ta injoroni.
Mëlçia prodhon proteina të nevojshme për mpiksjen e gjakut.
Kur ky organ has vështirësi, atëherë nivelet e proteinës janë në rënie dhe nxirjet në lëkurë e gjakderdhja janë më të shpeshta.
Nëse ndiheni rregullisht të drobitur, atëherë mund të keni ndonjë problem me mëlçinë.
Sipas të dhënave akumulimi i mbetjeve të ndryshme në mëlçi ul nivelet e oksigjenit dhe shkakton lodhje të vazhdueshme.
Kjo simptomë vërehet në rastet e tumoreve të mëlçisë.
Kjo masë tumorale shkakton presion në nerva dhe dhimbje në shpatull.
Nuk është për t’u shqetësuar për çdo dhimbje shpatulle, por nëse dhimbja zgjat, mirë është të konsultoheni me mjekun.
Nëse dhimbja buron në anën e djathtë të brinjëve, atëherë duhet të konsultoheni me një mjek.
Burimi i kësaj dhimbjeje mund të jetë ndonjë problem me mëlçinë.
Kur mëlçia është në telashe, trupi e ka shumë të vështirë të përpunojë ushqimet dhe lëngjet.
Stresi në sistemin tretës është i jashtëzakonshëm ndërkohë që dhimbjet janë të forta.
Stomaku enjtet dhe të vjellat përsëriten disa herë gjatë ditës.
Problemet me mëlçinë shoqërohen ne lëshimin e shumë toksinave në qarkullimin e gjakut, të cilat mund të arrijnë edhe në tru.
Njeriu mund të përballet me vështirësi në përqendrim, kujtesë dhe në gjumë.
Kupa e Shqipërisë rikthehet këtë javë me ndeshjet e kthimit të çerekfinaleve, që do të…
Prokuroria e Posaçme publikon strategjinë e hetimit dhe parandalimit të krimit zgjedhor, për “Zgjedhjet për…
Policia e Lezhës bëri të ditur se ka finalizuar operacionin policor të koduar “Terni", duke…
Autoritetet shqiptare njoftuan hapjen zyrtare të dy grupkapitujve të tjerë të bisedimeve të anëtarësimit të…
Ahengu shkodran udhëtoi drejt Tuzit për të performuar repertorin e tij me motivet qytetare shkodrane,…
Ta tham n’Shkodër” ! Me këtë emërtim vjen një seri eventesh dedikuar të rinjve, me…
This website uses cookies.