Tetori rozë, marshim sensibilizues në Lezhë – Gra, vajza dhe përfaqësues të institucioneve bëhen bashkë me moton “Ja vlen të jetosh”
“Ja vlen të jetosh” ishte motoja e aktivitetit të organizuar në Lezhë, në kuadër të muajit sensibiliziues kundër kancerit të gjirit. Gra, vajza dhe përfaqësues të institucioneve lokale u bënë bashkë në këtë ndërgjegjesim komunitar me fokus jetën.
Drejtoresha e Njesisë Vendore të Kujdesit Shëndetësor në Lezhë, Zoje Zefaj, tha se rastet e femrave me kancer gjiri kanë ardhur në rritje, ndaj kërkohet më shumë vëmendje që kjo sëmundje të kapet dhe diagnostikohet në kohë.
Mesazhe sensibilizuese drejtuar grave dhe vajzave lezhjane përcollën dhe përfaqësuesit e institucioneve lokale.
Më pas, të pranishmit marshuan përgjatë shëtitores së lumit Drin deri në sheshin “Gjergj Kastrioti”, duke përcjellë mesazhe sensibilizuese për komunitetin.
