“Tetori rozë” , sensibilizim në Lezhë/ Aktivitet ndërgjegjësues kundër kancerit të gjirit

Bashkia Lezhë në bashkëpunim me  Njësinë Vendore të Kujdesit Shëndetësor ka organizuar një  aktivitet sensibilizues në kuadër të  “Tetorit rozë”

“Duaje veten, kontrollu në kohë”, ishte motojo e aktivitetit sensibilizues kundër kanceri të gjirit.

Gra, vajza dhe përfaqësues të insitucioneve shpërndanë  broshura dhe mesazhe për ndërgjegjësimin qytetar me qëllim bërjen e mamografisë dhe kapjen në kohë të sëmundjes. Kryebashkiaku i Lezhës , Pjerin Ndreu , u kërkoi  grave dhe vajzave që  të bëjnë kontrolle ,pasi duke u diagnostikuar në kohë, kanceri i gjirit mund të shërohet.

Nga ana e saj,drejtuesja e  Njësisë Vendore të Kujdesit Shëndetësor,  Zojë Zefaj, duke  ftuar gratë dhe vajzat për të bërë ekzaminimet,  vuri në dukje se Spitali Rajonal i Lezhës e ofron mamografinë gjatë gjithë vitit.

Gjatë këtij muaji mamografia është falas , vetëm  me kartë identiteti, pa pasur nevojën e  rekomandimit nga mjeku.