“Tirana n’ Shkodër” – Arnilda Kyçyku dhe Doris Graf vijnë me ekspozitë pikture në Shkodër

“Tirana n’ Shkodër” ishte ekspozita e çelur në galerinë e arteve nga artistet Arnilda Kyçyku dhe Doris Graf.

Përmes kësaj ekspozite pikture, Kyçyku tregon lidhjen e saj të re me Tiranën, ndërsa shprehet e kënaqur që po vjen edhe për publikun shkodran.

Edit Pula, kuratore e ekspozitës thotë se dy artistet, Tiranën e sjellin të pare në dy këndvështrime të ndryshme.

Të pranishme në hapje të ekspozitës, dy zëvendëskryetaret e bashkive Tiranë e Shkodër, Keti Luarasi dhe Teuta Qyteza, e shohin si urë bashkëpunim me Shkodrën e qytetarët e saj, me bindjen se do të mirëpritet nga artëdashësit shkodranë. Ekspozita do qëndrojë e hapur deri me datë 30 tetor.